Din hi riċetta speċjali għal jum speċjali!
Ingredjenti
600g għaġina ħelwa… skont l-istruzzjonijiet 1 sa 6 tar-riċetta ‘Flan tal-Kiwi u Irkotta’ mogħtija f’dan il-ktieb
150g ċikkulata sewda mqattgħa f’biċċiet
120g marġerina
120g zokkor
120g bajd
120g frak tal-kejk… irid ikun taċ-ċikkulata jew tal-vanilja u xi ftit xott
50g trab taċ-ċikkulata skura
40g chocolate chips
Ingredjenti Għall-Kisi
80g ċikkulata skura
50g zokkor
bott mascarpone
vażett krema friska
likur taċ-ċikkulata jew rum iswed
Metodu
- Ixgħel il-forn 1800C, gass numru 4.
- Lesti l-għaġina u ħalliha tistrieħ. Sadanittant, ipprepara l-mili.
- Qiegħed il-marġerina u z-zokkor ġo skutella u ħaddimhom tajjeb. Żid il-bajd, iċ-chocolate chips, it-trab taċ-ċikkulata u l-frak tal-kejk. Kompli ħaddem sakemm l-ingredjenti kollha jitħalltu tajjeb.
- Iftaħ l-għaġina. Segwi l-istruzzjonijiet 8 sa 10 tar-riċetta ‘Flan tal-Kiwi u Irkotta’.
- Ferra’ t-taħlita fil-forma u sajjar fil-forn għal madwar 40 minuta.
- Neħħi t-torta mill-forn u ħalliha għal xi 5-8 minuti fil-forma qabel tneħħiha u tħalliha tkompli tiksaħ fuq xibka tal-ħadid.
- Xarrab tajjeb il-wiċċ tat-torta b’xi likur taċ-ċikkulata jew rum iswed.
- Qiegħed il-mascarpone, iz-zokkor u l-krema ġo skutella u ħaddem tajjeb.
- Qiegħed iċ-ċikkulata f’kazzola u dewwibha banju marija. Oqgħod attenta li ma jidħolx ilma fil-kazzola.
- Żid iċ-ċikkulata mdewba mat-taħlita tal-mascarpone.
- Iksi t-torta b’din it-taħlita. Kessaħ tajjeb għal mhux anqas minn 4 sigħat.
- Tista’ żżejjen il-wiċċ tat-torta b’ċikkulatini differenti u mbagħad troxx ftit trab taċ-ċikkulata fuqhom. Tista’ tagħżel ċikkulatini li jkunu miksijin b’karti ta’ kuluri differenti u żżejjen b’dawn.