Huwa mportanti ħafna li tifhem tajjeb ir-riċetta, li tkun se tagħmel u taqra u terġa taqra il-metodu, biex tkun żgur li fhimt kollox. Dan għaliex huwa mportanti li timxi mar-riċetta u l-metodu għaliex inkella se jkollok ħafna żbalji u żgur li l-għaġina ma tigiex tajba.

Huwa dejjem l-aħjar li l-għaġina tkun friska. Imma tista tagħmel din sa jumejn qabel. Tista tiffriża l-għaġina però mportanti li tagħmel tabella fuq il-borża bl-isem ta’ l-għaġina u data li tkun għamiltha. Għaġina li tinżamm għal żmien twil fil-friża timtela bil-kristalli ta’ l-ilma u titlef ukoll il-kulur.

Ingredjenti

480g dqiq plain
300g margarina
120g zokkor
bajda
ftit qoxra tal-lumija maħkuka

Metodu

1. Ġo skutella għarbel id-dqiq. Trid tgħarblu għal aktar minn darba. Int u tgħarbel id-dqiq trid iżżomm il-passatur kemm tista ‘l fuq. Din biex iddaħħal kemm tista arja, int u tgħarbel.

2. Żid il-margarine. Jekk se tuża l-mixer, biex tagħmel l-għaġina; allura trid tuża l-ganċ. Tista tagħmel din l-għaġina b’ idejk.

3. Ħaddem sewwa bejn idejk il-margarine u d-dqiq, sakemm it-taħlita tiġi qisha ramel safrani. Ma tridx tibqa tidher il-margarine. (ara ritratt 1)

4. Ġo bieqja żgħira ħallat il-bajda flimkien maz-zokkor u l-lumi. Ħallat sew. Żid din it-taħlita ma’ dik tad- dqiq u margarine. Ħallat sew u għaqqad biex itfforma għaġina. Hija mportanti ħafna li tħaaddem biss għal ftit minuti.

5. Jekk tkun qed tuża l-mixer naddaf tajjeb il-ganċ. Ifforma l-għaġina f’ forma ta’ ballun. Ma tridx iżżid dqiq. Poġġi l-għaġina f’ bieqja u għatti tajjeb b’ sarvetta mxarrba.

6. Jekk qed tagħmel l-għaġina b’idejk; neħħi l-għaġina kollha li jkollok mas-swaba. Ifforma l-għaġina f’ forma ta’ ballun. Ma tridx iżżid dqiq. Poġġi l-għaġina f’ bieqja u għatti tajjeb b’ sarvetta mxarrba.

7. Trid tħalli l-għaġina toqgħod mil-lanqas għal siegħa. Jekk it-temp ikun sħun jew inkella jkollok il-kċina sħuna; allura trid tpoġġiha fil-fridge.

Punti Mportanti

DQIQ Dan irid ikun dejjem plain. Qatt u qatt ma għandu jintuża dqiq self-raising jew inkella żżid il-baking powder. L-għaġina trid tiġi qisha gallettini u mhux qisek qegħda tiekol kejk. Jekk iżżid il-baking powder md-dqiq, ir-riżultat ikun għaġina minfuħa.

MARGARINE Trid tuża margarine l-istess bħal dik li tintuża għal-kejkijiet. Dik il-margarine ratba li tinsab fi skutelli ma hijiex tajba biex tagħmel l-għaġina.

MISTRIEĦ Importanti ħafna li l-għaġina tistrieħ għal ftit ħin wara li tkun ffurmajtha f’ forma ta’ ballun (dough) Jekk ma tagħmilx hekk tibda titfarrak.

IŻŻIDX DQIQ Meta l-għaġina tkun lesta ġieli ninnutaw li din tkun ratba, u allura nibdew inżidu aktar dqiq. MA TRIDX IŻŻID XEJN. Ħalli l-għaġina tistrieħ u meta tiġi biex tużaha, tara kif l-għaġina tkun tajba. Jekk iżżidu ħafna dqiq l-għaġina tiġi xotta u tinqasam meta tiftaħa.

FIL-FRIDGE Tista tagħmel l-għaġina u tħalliha fil-fridge minn 2 sa 3 ġranet qabel tużaha.

FRIŻA Tista tiffriża l-għaġina. Meta tagħmel hekk trid tpoġġi tabella bl-isem u bid-data, fuq kull borża. Tħallix l-għaġina għal aktar minn 4 ġimgħat.

Wara li jkun għadda żmien ta’ mhux anqas minn siegħa, tista’ anke tkun minn ta’ jiem qabel, ibda lesti biex tiftaħ l-għaġina. Ara x’ dixx se tuża jekk se tagħmel torta jew inkella cutters jekk se tagħmel affarijiet oħra.

Aqta biċċa għaġina li taħseb li se jkollok bżonn għar-riċetta li tkun se tagħmel. Ħaddem ftit b’ idejk biex tirtab u għamel forma ta’ ballun. Roxx ftit dqiq fuq il-mejda. Trid tagħmel ħafna attenzjoni biex ma tagħmilx ħafna. Dan għaliex inkella l-għaġina tiġi iebsa. Poġġi l-għaġina fin-nofs u għafas b’ idejk l-isfel Roxx ftit dqiq fuq l-għaġina u bil-lembuba ibda iftaħ. Importanti li meta tkun qed tiftaħ trid dejjem iċċaqlaq l-għaġina biex din ma teħilx la mal-mejda u lanqas mal-lembuba.

L-għaġina m’ għandix tkun ħoxna ħafna imma lanqas irqiqa. Trid tiftaħ biżżejjed kemm ikollok bżonn. Idlek id-dixx li tkun se tuża. Dawwar l-għaġina fuq il-lembuba u ifrex fuq il-forma Jekk se tagħmel affarijiet żgħar allura aqta bil-forom.

Iġbor flimkien l-għaġina żejda li jkun fadallek. Kemm tista neħħi d-dqiq zejjed li jkun hemm fuq l-għaġina. Dan biex ma tixxutax u tibbies. Dawwarhom ma’ għaġina ġdida u erġa uża BISS kemm ikollok bżonn.

Jekk jista jkun trid dejjem tħalli l-għaġina mgħottija b’xi sarvetta umda sabiex ma tinxifx.

Ingredjenti

420g dqiq plain
180g margarine
112g ilma
ftit melħ

Metodu

1. Ġo bieqja għarbel id dqiq.

2. Żid miegħu l-margarine u ħaddem tajjeb sakemm it-taħlita tiġi qisha ramel. Żifd il-melħ u erġa ħawwad.

3. Żid l-ilma u għagen f’għaġina. Ma tridx iżżid l-ilma f’ daqqa; għax jista jkun li jkollok bżonn anqas. Dan jiddependi sew mid-dqiq kif ukoll mis-sħana li jkun hemm fil-kċina int u tagħmel l-għaġina.

4. Għatti bl-istretch and seal u ħalliha toqgħod għal mhux anqas minn siegħa. Jekk tkun ħafna sħana jew inkella l-kċina tkun sħuna trid tqiegħed l-għaġina fil-fridge.

Ingredjenti

Għaġina ħelwa taċ-ċikkulata

430g dqiq plain
300g margarine
120g zokkor
50g trab taċ-ċikkulata
2 bajdiet

Għall Mili

150g frak ta’ kejk
120g margarine
120g zokkor
120 bajd
40g chocolate chips
50 g trab taċ-ċikkulata skura

Għall kisi

container mascarpone (ġobon artab)
80g ċikkulata skura (tat-tidwib)
container krema friska
50g zokkor
liqueur taċ-ċikkulata jew rum iswed

Metodu

Ġo skutella għarbel id-dqiq u t-trab taċ-ċikkulata. Trid tgħarbilhom għal aktar minn darba. Int u tgħarbel trid iżżomm il-passatur kemm tista ‘l fuq. Din biex iddaħħal kemm tista arja, int u tgħarbel.

Żid il-margarine. Jekk se tuża l-mixer, biex tagħmel l-għaġina; allura trid tuża l-ganċ. Tista tagħmel din l-għaġina b’ idejk.

Ħaddem sewwa bejn idejk il-margarine u d-dqiq, sakemm it-taħlita tiġi qisha ramel safrani. Ma tridx tibqa tidher il-margarine.

Ġo bieqja żgħira ħallat il-bajda flimkien maz-zokkor. Ħallat sew. Żid din it-taħlita ma’ dik tad-dqiq u margarine. Ħallat sew u għaqqad biex itfforma għaġina. Hija mportanti ħafna li tħaddem biss għal ftit minuti.

Jekk tkun qed tuża l-mixer naddaf tajjeb il-ganċ. Ifforma l-għaġina f’ forma ta’ ballun. Ma tridx iżżid dqiq. Poġġi l-għaġina f’ bieqja u għatti tajjeb b’ sarvetta mxarrba.

Jekk qed tagħmel l-għaġina b’idejk; neħħi l-għaġina kollha li jkollok mas-swaba. Ifforma l-għaġina f’ forma ta’ ballun. Ma tridx iżżid dqiq. Poġġi l-għaġina f’ bieqja u għatti tajjeb b’ sarvetta mxarrba.

Trid tħalli l-għaġina toqgħod mil-lanqas għal siegħa. Jekk ikollok il-kċina sħuna; allura trid tpoġġiha fil-fridge.

Kif tipprepara t-torta

Idlek forma tat-torti bi ftit margarine u roxx ftit dqiq.

Ġo bieqja poġġi l-margarine u z-zokkor. Ħaddem tajjeb, jekk tista uża hand beater tal-elettriku.

Ma’ din it-taħlita żid il-bajd, it-trab taċ-ċikkulata, ic-chocate chips u l-frak tal kejk. Ħawwad tajjeb.

B’din it-taħlita imla l-forma san-nofs.

Sajjar fil-forn b’ temperatura 1800C Gas Numru 4-5 għal madwar 40 minuta.
Neħħi mill-forma u ħalliha tiksaħ sewwa.

Meta tkun żgur li t-torta hija kiesħa, xarrab tajjeb il-wiċċ b’xi liqueur taċ-ċikkulata jew bir-rum iswed.

Ġo bieqja poġġi l-mascarpone flimkien maz-zokkor u l-krema.

Dewweb iċ-ċikkulata “banju maria” u żidha mat-taħlita tal-mascarpone.

Iksi l-wiċċ tat-torta b’din it taħlita. Kessaħ tajjeb għal madwar 4 siegħat.

Żejjen il-wiċċ b’ħafna tipi ta’ ċikkulatini. Tista tħallihom bil-karta li jkunu mgeżwra biha, biex jagħtu aktar kulur lit-torta.

Roxx ftit trab taċ-ċikkulata fil-wiċċ.

PASTRY

CHEESE FILLING
500g ricotta cheese or cottage cheese
1 tsp vanilla extract
2 tbsp rum
120g powdered sugar
56g chocolate, coarsely grated.
120g pistachios, coarsely chopped
60g candied lemon peel or orange peel
Candied cherries.

1. For pastry, in a medium bowl, combine flour, sugar, cocoa, coffee and salt. Make a well in the centre of dry ingredients. Add butter, egg yolk and enough Marsala to make a firm but not dry dough. Wrap in plastic wrap or foil. Refrigerate for 1 hour.

2. Roll out dough to 1/8 inch thick. Cut into 4-inch squares. Using a rolling pin, round off 2 opposite corners of each square. Lightly moisten non-rounded edges of pastry square. Place a pastry square around a cannoli tube, joining the non-rounded corners; press to securely seal. Pastries will come off easily if tubes are oiled.

3. In a deep skillet or saucepan, heat oil. Fry pastries in hot oil 2 to 3 minutes or until golden brown. Remove from oil. Drain well. Cool slightly, then remove metal tube. Cool completely before filling.

4. To make filling, press cheese through a sieve. Beat in vanilla, rum and sugar until smooth. Stir in chocolate. Chill until needed. Use less sugar if desired.

5. Fill cooled pastries using a spoon or piping bag. Decorate with pistachios, candied peel and cherries as desired. Makes about 18.