F’Malta niksuha b’mod differenti. Ġeneralment ma jintużax in-naspru, iżda tinkesa kollha bil-pasta rjali u ma tintużax konfettura.

Ingredjenti għal Cassata ta’ daqs 30cm.

sponge imsajra
ġamm tal berquq
600g irkotta
200g zokkor
200g konfettura
ftit krema friska
maraschino
pasta rjali ħadra
ċikkulata jew royal icing
ċirasa konfettura ħamra
ftit cornflour

Metodu

1. Ipprepara forma minn dawk taċ-ċinturin (spring form tin) ta’ 30cm iksiha bl-istretch and seal. Din it-tip ta’ forma tgħinek meta tiġi biex tneħħi l-cassata u tqegħda fuq platt.

2. Aqta biċċa sponge daqs tal-forma u poġġiha fil-qiegħ tal-forma. L-isponge trid tkun irqiqa. Dawwar il-ġnub tal-forma b’ biċċa sponge oħra.

3. Neħħi kemm tista zokkor minn mal-konfettura jew inkella naqqas mill-piz taz-zokkor.

4. Ġo bieqja qiegħed l-irkotta u għaffiġa tajjeb sakemm tiġi qisha krema. Żid iz-zokkor ix-xorb u ftit krema friska. Kompli ħaddem biex it-taħlita tiġi ħaġa waħda.

5. Żid il-konfettura mat-taħlita tal-irkotta. Erġa ħawwad.

6. Xarrab l-isponge li hemm fil-forma bi ftit xorb. Qiegħed it-taħlita ta’ l-irkotta fuqha.

7. Erġa aqta biċċa sponge oħra daqs tal-forma u poġġiha fuq l-irkotta. Bil-mod għafas ftit l-isfel. Xarrab il-wiċċ bix-xorb.

8. Qegħda fil-fridge għal mhux anqas minn sagħtejn.

9. Neħħi mill-forma u poġġiha fuq platt ċatt. Idlikha bil-ġamm tal-berquq.

10. Roxx FTIT cornflour fuq mejda u fuqha iftaħ il-pasta rjali. Iksi l-cassata biha. Aqta ż-żejjed li jkun hemm mal-ġnub u b’pinzell tal-kċina farfar il-cornflour li jista jkun hemm fil-wiċċ.

11. Żejjen bir-royal icing jew biċ-ċikkulata u biċ-ċirasa ħamra.

Ingredients

For 4 persons

1 pork fillet
sesame seeds
mustard
onions chopped in rings
carrots cut lengthwise
Worcestershire Sauce
salt and freshly ground pepper
chilli pepper. If it is not to your liking, this ingredient can be omitted.

Method

1. Trim and remove all fat from the fillet. Season with salt and pepper.

2. In a small bowl mix together the mustard, Worcestershire Sauce and the chilli pepper. Mix well till the mixture resembles thick cream.

3. Spread this mixture over the meat and coat with sesame seeds.

4. Prepare a baking tray and line the bottom with onions and carrots. Place the meat on this vegetable mixture and bake in a moderate oven for 50 minutes.

5. Serve warm with gravy.

Gravy

Ingredients

half litre water
2 tablespoons gravy mix

Method

1. When the meat is cooked, remove from the dish and transfer it on to a plate.

2. In a small bowl mix the gravy mix and half of the water. Mix well.

3. Drain off the fat from the roasting tray into a saucepan, and put ion a moderate heat. Add the gravy mixture and stir continuously.

4. Pass through a sieve. You can add either vermouth or sherry to the gravy.

5. Serve with the cooked meat.

Ingredjenti

Għal 4 persuni

flett tal majjal
ġunġlien
mustarda
basal imqatta roti
karotti mqatta nofsijiet mit-tul
Worcestershire Sauce
melħ u bżar midħun frisk
ftit bżar aħmar (chilli pepper) Jekk ma tħobbux tista ma tagħmlux

Metodu

1. Naddaf il-flett mix-xaħam. Fuqu roxx ftit bżar u melħ.

2. Ġo bieqja qiegħed ftit mustarda u Worcestershire Sauce u bżar aħmar. Ħawwad tajjeb sakemm it-taħlita tiġi qisha krema.

3. idlek il-flett b’din it taħlita. Iksi l-laħam b’ħafna ġunglien.

4. Ħu dixx tal-forn u iksi l-qiegħ bil-basal u karotti. Qiegħed il-laħam fuq dan il-ħaxix u sajjar f’forn moderat għal madwar 50 minuta.

5. Servi sħun bil-gravy.

Gravy

Ingredjenti

nofs litru ilma
żewġ imgharef gravy mix

Metodu

1. Meta l-laħam ikun sar, neħħih mid-dixx u qegħdu fuq platt.

2. Ħu nofs l-ilma u ġo fih dewweb żewġ imgħaref gravy mix.

3. Saffi l-gravy li jkun hemm fid-dixx għal ġo kazzola, żid miegħu t-taħlita tal-gravy u l-bqija ta’ l-ilma. Qiegħed fuq nar moderat. Trid tħawwad il-ħin kollu biex ma jeħilx mal-qiegħ.

4. Jekk trid tista żżid xi ftit vermouth jew sherry. Saffi tajjeb u servi mal-laħam.

Ingredjenti

400g spaghetti
150g kurrad
tewma
200g qarabagħli
300g irkotta
3 bajdiet
120g tadam
bżar u melħ
60g ġobon maħkuk Jekk jista jkun uża Grana Padano jew Parmiġġjan
żejt għal qali u biex tidlek il-forma

Metodu

1. Għalli l-għaġin f’ ħafna ilma bil-melħ. Żommu ftit wieqaf.

2. Qatta l-kurrad, tewm u l-qarabagħli fi slices. Għamel ftit żejt ġo taġen u meta jisħon qallihom. Meta jkunu saru neħħi mit-taġen u qiegħed ġo bieqja.

3. Żid l-ispagetti ma’ din it-taħlita. Ħawwad. Għaffeġ l-irkotta u żidha flimkien ma’ 2 bajdiet li tkun ħabbat qabel. Żid ukoll nofs il-ġobon. Roxx ftit bżar u melħ. Erġa ħawwad.

4. Qatta t-tadam f’biċċiet żgħar u żid mat-taħlita ta’ l-ispagetti. Trid tagħmel attenzjoni biex int u tħawwad l-għaġin ma tgħaffġux.

5. Idlek biż-żejt forma għal forn u imliha bit-taħlita ta’ l-ispagetti. Ħabbat il-bajda li baqa u ferrixha fil-wiċċ. Roxx il-bqija tal-ġobon.

6. Sajjar fil-forn għal madwar 40 minuta.

7. Halliha toqgħod għal ftit ħin. Oħroġ mill-forma u aqta f’porzjonijiet.

8. Servi sħuna.

Ingredjenti

koxxa tat-tiġieġ mqatta fi 3 biċċiet
½ basla mqatta f’biċċiet żgħar kwadri
sinna tewm mgħaffġa
½ kuċċarina żerriegħa tal-kosbor
½ kuċċarina żerriegħa tal-kemmun
¼ ta’ kuċċarina bżar
kuċċarina curry trab
½ kuċċarina bżar aħmar mqatta f’biċċiet kwadri (chilli pepper)
600 ml stokk tat-tiġieġ
25g kunserva tat-tadam
120g zunnarija mqatta
60g sultana
3 mgħaref ħalib tal-coconut
nofs tuffieħa mqatta
mgħarfa żejt
butir
yoghurt Griek

Metodu

1. Poġġi ftit żejt ġo taġen fond u meta jisħon qalli l-basla u t-tewm għal ftit minuti. Żid il-biċċiet tat-tiġieġ u z-zunnarija. Kompli sajjar għal ftit ħin sakemm il-basla tirtab u t-tiġieġ jieħdu l-kulur. Trid tħawwad il-ħin kollu.

2. Żid il-ħwawar, il-bżar u l-kunserva tat-tadam u kompli sajjar għal ftit ħin ieħor filwaqt li dejjem tħawwad.

3. Żid l-istokk tat-tiġieġ u jekk tara li jkun hemm bżonn żid ftit melħ u bżar.

4. Meta t-taħlita tiftaħ tagħli baxxi n-nar u kompli tektek għal madwar 15-il minuta.

5. Żid il-bqija ta’ l-ingredjenti: il-ħalib tal-coconut u t-tuffieħa. Għolli n-nar sakemm jit-taħlita terġa tiftaħ tagħli. Baxxi n-nar u għatti bl-għatu. Ħalli t-taħlita ttektek għal madwar 15-il minuta jew sakemm tara li r-ross ikun sar.

6. Żid il-butir mar-ross u ħawwad tajjeb.

7. Poġġi r-ross ġo dixx kbir. Fuqu għamel il-curry u fil-wiċċ ferra l-yoghurt Griek.

Ingredjenti

Għall-għaġina

350g dqiq ‘plain’
3 bajdiet mħabbtin
żewġ mgħaref żejt taż-żebbuġa
melħ

Għall-mili

700g irkotta
container mascarpone jew 2 ġbejniet friski
300g spinaċi msajra
bżar
noċimuskata maħkuka friska
200g mozzarella mqatta
60g ġobon maħkuk
bajda mħabbta

Metodu

Ġo bieqja kbira għarbel id-dqiq. Żid il-melħ, bajd u żejt. Ħallat l-ingredjenti kollha u ibda għaġen sewwa sakemm l-għaġina tiġi lixxa (smooth).

Gerbeb l-għaġina fl-istretch and seal u ħalliha toqgħod għal madwar siegħa.

Sakemm l-għaġina toqgħod ibda għamel it-taħlita tal-mili.

Għalli l-ispinaċi u qattarha tajjeb.

Poġġi l-irkotta ġo bieqja kbira u għaffiġha tajjeb. Żid il-mascarpone jew il-ġbejniet, il-mozzarella,il-bajda mħabbta, ġobon maħkuk, in-noċimuskata maħkuka u l-bżar. Ħallat tajjeb flimkien.

Qatta l-ispinaċi f’biċċiet żgħar u żidha mat-taħlita tal-irkotta. Ħawwad tajjeb biex it-taħlita tiġi ħaġa waħda.

Iftaħ l-għaġina rqiqa kemm tista. Fuq l-għaġina ferrex t-taħlita tal-irkotta. Ma tridx twassal it-taħlita sax-xifer, għax inkella meta tgerbeb it-taħlita toħroġ.

Bil-mod u bil-galbu ibda kebbeb l-għaġina qisek se tagħmel swiss roll. Int u ddawwar l-għaġina trid tissikka kemm tista. Meta tkun gerbibt l-għaġina kollha iksiha bl-istretch and seal. Trid tiksiha għal xi 3 darbiet. Għorbot tajjeb ix-xfarijiet.

Imla kazzola kbira bl-ilma u qegħda fuq in-nar. Meta l-ilma jiftaħ jagħli għalli dan ir-roll għal madwar siegħa u nofs. L-ilma jrid dejjem jibqa jagħli.

Meta ssir neħħi mill-ilma, qattarha u neħħi l-istretch and seal. Aqta fi-slices u servi b’xi zalza li tiggosta.

għaġina ħelwa
600g irkotta
500ml krema tal-mili
120 konfettura
60g ċirasa ħamra
60g lewż imqaxxar sħiħ

60g prinjoli
50g ġellewż
130g zokkor
qoxra maħkuka ta’ lummija
ftit krema friska
2 bajdiet
essenza tal-vanilla

Metodu

1. Iftaħ l-għaġina u biha iksi forma tat-torta.

2. Qiegħed il-lewż u l-ġellewż fuq pjanċa tal-forn u inkalja. Iridu jjbiddlu ftit il-kulur, imma mhux li jiswiedu għax inkella jiġi togħma morra. Meta jiksħu sewwa kisser f’biċċiet kbar. Inkalja wkoll il-prinjoli, iżda ma tridx tafarrakhom.

3. Qiegħed l-irkotta ġo bieqja. Magħħa żid il-krema tal-mili, nofs il-krema friska, iz-zokkor u l-bajd. Ħawwad sewwa sabiex it-taħlita tiġi lixxa.

4. Zid ftit essenza tal-vanilla u l-qoxra maħkuka ta’ lummija. Żid ukoll il-lewż, il-prinjoli, iċ-ċirasa u l-konfettura.

5. Ħaddem bil-mod sakemm l-ingredjenti kollha jkun tħalltu tajjeb, u saru ħaġa waħda.

6. Imla l-forma ta’ l-għaġina b’ din it-taħlita.
7. Sajjar fil-forn 1800C, Gas numru 4-5 għal madwar 45-50 minuta.

8. Servi kiesħa u żejjen il-wiċċ bil-qxur tal-lumi.

għaġina ħelwa
125ml ilma
100g zokkor
25g cornflour
25g butir
lummija
2 isfar tal-bajd
Għall-ixkuma

4 abjad tal bajd
200g zokkor
ponta ta kuċċarina cream of tartar

Metodu

1. Ipprepara l-għaġina bl-istess mod li hemm fis-sezzjoni: Kif tiftaħ l-għaġina.

2. Sajjar il-flan bl-istess bħal ma hemm fis-sezzjoni: Kif tagħmel baked blind. Importanti ħafna li l-qiegħ ikun jinqala. (ritratt )

3. F’ kazzola qiegħed l-ilma u z-zokkor. Qiegħed fuq in-nar sakemm it-taħlita tiftaħ tagħli.

4. Dewweb il-cornflour fi ftit ilma. (ritratt )

5. Għasar il-lummija. Meta l-ilma jibda jagħli żid il-cornflour, filwaqt li tħawwad il-ħin kollu sakemm it-taħlita taqgħad. Neħħi minn fuq in-nar.

6. Zid il-lumi u isfar tal-bajd u ħawwad sewwa. Żid il-butir
7. Imla l-forma ta’ l-għaġina b’ din it-taħlita.
8.
9. F’ bieqja għamel l-abjad tal bajd u ibda ħawwad sakemm jikber sewwa. Żid nofs iz-zokkor u l-cream of tartar u kompli ħawwad. Żid il-kumplament taz zokkor. Kompli ħawwad sakemm ikollok xkuma tajba. (ritratt )

10. Qiegħed din l-ixkuma fuq il-krema tal-lumi. Trid tkun żgur li l-krema tkun kesħet sewwa,għax inkella l-ixkuma tinżel mill-ewwel. Trid tiksi tajjeb il-wiċċ kollu.

10. Daħħal ġo forn jaħraq sakemm l-ixkuma tieħu kulur dehebi sabih.

Importanti: Ħafna jghidulek li minn din it-torta joħroġ xi ilma. Dan huwa normali għaliex l-ixkuma hija albumina jiġifieri abjad tal-bajd. Għalhekk huwa mportanti ħafna li qabel tpoġġu l-ixkuma il-krema tkun kesħet għal kollox.

600ml ħalib
100g zokkor
50g cornflour
2 isfra tal bajd
essenza tal-vanilla

Metodu

1.F’ kazzola poġġi l-ħalib flimkien maz-zokkor u l-essenza tal-vanilla. Qiegħed fuq nar moderat.

2.F’ bieqja poġġi l-isfar tal- bajd u żid ftit ħalib. Żid il-cornflour u ħawwad tajjeb sakemm din tinħall.

3.Meta t-taħlita tal-ħalib tibda tagħli, baxxi n-nar u bil-mod ibda żid il-cornflour filwaqt li tħawwad il-ħin kollu. Triq tagħmel ħafna attenzjoni biex il-krema tiġi lixxa – dik lib l-Ingliż tissejjaħ ‘smooth’.

Haddem tajjeb id dqiq u l-Margarine. Sa kemm jigu qishom ramel
Hallat il bajd u zokkor.
Zid il-qoxra tal lumija , bajd u zokkor fuq id dqiq. Haddem sewwa go ghagina sabiha u smooth.